Injured	Killed
0	1

Date: 27 February 2013
Source: http://www.remate.ph/2013/02/14-anyos-todas-sa-hazing/

 

HINIHINALANG nasawi dahil sa hazing ang isang 14-anyos na estudyante sa  Janiuay, Iloilo.

Nakilalang  ang biktimang si Ronilo Rafante,  2nd year high school student ng Janiuay Comprehensive High School.

Ayon sa salaysay ng biktima na si Rosalie, Pebrero 22 nang huling pumasok  ang kanyang anak sa eskuwelahan. Bandang alas-3:00 ng hapon ng nasabing petsa, nakita na lamang itong nakalupaypay sa tindahan sa labas ng paaralan.

Tinangka pang isugod sa Janiuay District Hospital ang biktima ngunit idineklarang dead on arrival na ito.

Samantala, lumalabas sa autopsy examination na may pasa sa loob ng ulo ang biktima at nagmuo ang dugo sa kanyang utak bunga ng paghampas dito ng isang bagay.

Kasalukuyan pang nag-iimbestiga ang pulisya at pamunuan ng paaralan sa sa nasabing krimen.

Ayon sa ina, may impormasyon silang natanggap na mga kaklase ng kanyang anak ang kasama nito bago natagpuan na halos walang malay sa labas ng paaralan.

Nabatid pa na sa likod mismo ng paaralan isinagawa ang hazing at natagpuan dito ang putol na Citizen Army Training (CAT) rifle na pinaniniwalaang inihampas sa biktima.