Injured	Killed
0	1

Date: 04 May 2013
Source: Bombo Radyo

NORTH COTABATO – Nailhan na ang suspek nga mipusil patay sa usa ka kandidato pagka-konsehal alas-7:20 sa gabii niadtong April 28 didto sa probinsiya sa Cotabato.

Giila ang biktima nga mao si Gapor Cabilo Omar, kandidato pagka-konsehal sa munisipyo sa Banisilan, ilawom sa United Nationalist Alliance (UNA).

Gibutyag ni North Cotabato PNP Provincial Director SSupt Danilo Peralta nga usa ka 14-anyos nga batan-ong lalake ang mipusil sa biktima gamit ang kalibre .45 nga pistola.

Suma ni Peralta nga nailhan na nila ang bansagon sa suspek apan dili pa nila ika-pagawas gumikan minor de edad siya og padayon pa nila nga gi-imbestigahan.

Rido o away pamilya ang motibo sa pagpatay kang Omar og dili politika, pagklaro ni Peralta.

Kahinumduman nga bag-o lang nahuman sa iyang political rally si Omar og nanghipus sa iyang mga gamit sa diha nga siya gipusil,diin naigo sa ulo og on the spot nga napatay.

Sa kasamtangan nagdugang pa og puwersa sa militar ug kapulisan sa munisipyo sa Banisilan sa posibling binalusay sa magkaaway nga pamilya. (Bombo Garry Fuerzas)