| Injured | Killed |
|---|---|
| 1 | 0 |
Date: 14 April 2013
Source: Pilipino Star Ngayon
Cavite, Philippines — Nasa kritikal na kondisyon ngayon ang isang 14 anyos na lalaki makaraan itong barilin ng pen gun ng kainumang 16 anyos sa Brgy. Palico II, Imus, Cavite kamakalawa.
Kinilala ng pulisya ang biktima na si Darius Gumarang, 14 anyos, residente ng Brgy Palico II ng nasabing lugar habang kasalukuyan namang dinala sa pangangalaga ng City Social Welfare and Development (CSWD) ang suspek na itinago sa pangalang Ronnie dahilan isa itong menor de edad, residente rin ng naturang lugar at kaibigan ng biktima.
Batay sa nakalap na report mula kay PO1 Khristin Erasmo may hawak ng kaso, dakong alas-7:30 ng gabi ng maganap ang insidente habang nag-iinuman ang dalawa sa tahanan ng biktima sa Good Shepherd Avenue Ext. ng naturang barangay.
Mabilis namang naisugod sa MCI hospital ang biktima habang boluntaryo namang sumurender ang suspek sa pulisya. Kasalukuyan pang iniimbestigahan ng pulisya ang kaso.