Injured	Killed
1	0

Date: 20 March 2013
Source: Bombo Radyo

DAGUPAN CITY – Isang 14-anyos na dalagita ang ginahasa ng binasted ng manliligaw sa lungsod ng Dagupan.

Base sa impormasyon mula sa mga otoridad, binasted umano ng biktima ang suspek dahilan upang sumama ang loob nito at gawin ang pagahasa sa dalagita.

Una rito, pauwi umano ang biktima sa kanilang bahay nang salubungin ng suspek at tinakot sa pamamagitan ng pagpapakita ng kutsilyo kaya napilitan itong sumama sa Tondaligan beach.

Agad namang nakapagsumbong ang biktima sa kanyang mga magulang na agad ding dumulog sa himpilan ng pulisya dahilan upang magsagawa ang mga ito ng follow operation na siyang nagresulta sa pagkakahuli sa suspek na si Jefferson Perez, 27, tubong Samar, Leyte at kasalukuyang naninirahan sa Brgy. Pantal sa lungsod.

Sa ngayon ang suspek ay nasa kustodiya na ng pulisya at nasampahan na ng kasong panggagahasa.

Ang biktima naman nasa pangangalaga ngayon ng Department of Social Welfare and Development (DSWD).