Kini human moabot na sa 12 ka mga tawo ang nakalas samtang 10 usab ang samaron tungod sa grabeng engkuwentro sa pamilyang Macugar ug Capal sa nahisgutang probinsya.

 

Sa paghinabi sa Bombo Radyo Cagayan de Oro, gisaysay ni Lanao del Sur provincial Gov. Bombit Adiong nga wala makaabot ang kagubot sa Marawi City ug sa ubang lungsod tungod sa daghang tropa sa militar ug kapolisan ang gikatag sa nahisgutang lugar.

 

Matud ni Adiong nga mipirma na usab sa kasabutan ang duha ka panig aron mohupay ang init ang tensyon.

 

Gisugilon ni Adiong nga wala usab tugti ang duha ka grupo nga mohimo sa bisan unsang mga lakang hangtod wala pa masulbad ang hinungdan sa ilang panag-away.

 

Dugang ni Adiong nga misulod na usab sa hisgutanan ang ilang religious elders aron mapakalma ang maong mga pamilya.

 

Pipila usab sa mga armas gikan sa duha ka panig ang nakuha sa militar ug kapolisan sa nahisgutang lugar.

 

Una niini, rido ang nahimong hinungdan sa pag-ulbo sa engkuwentro nga gikamatay sa 12 ka tawo ug miangol sa laing 10 pa.

 

Hisayrang upat sa mga namatay ang giilang sila si Hadji Naim Macabago Capal; Latip Macabago Capal; Abar Tanggor Balt; Al-radji Tanggor; Salahoden Acmad Dimacota samtang usa ka Arip Bacolod ang samaron sa maong engkuwentro.