| Injured | Killed |
|---|---|
| 0 | 1 |
Date: 17 February 2013
Source: Bombo radyo feb 17, 2013
12-anyos na dalagita, ni-rape at pinatay ng 2 lalaki sa Sibugay
ZAMBOANGA CITY- Patay na nang matagpuan ang 12-anyos dalagita na pinaniniwalaang pinagtulungang gahasain bago tuluyang pinatay ng dalawang lalaking suspek sa may Barangay Poblacion, Buug, Zamboanga Sibugay province.
Batay sa ulat mula sa Police Regional Office (PRO-9), bandang alas-11:00 ng umaga noong nakaraang araw nang makita ng mga residente sa lugar ang bangkay ng dalagitang si Maylodie Sabredo Villa sa loob ng isang inabandonang bahay.
Sa tulong ng ilang saksi, nakilala ang dalawang suspek na sina Leo Diez Laurantewa at si Denmark Tantan Rosendo na kapwa mga residente rin ng nasabing lugar.
Sa isinagawang manhunt operation ng PNP sa lalawigan, naaresto ang dalawang suspek sa kanilang pinagtataguan.
Inaalam pa ngayon ng otoridad kung paano nagawa ng dalawang suspek ang krimen sa dalagita.
Paggamit ng ipinagbabawal na gamot ang isa sa nakikitang dahilan ng mga otoridad na posibleng nag-udyok sa dalawang suspek para gahasain at patayin ang biktima.
Sa ngayon ay nakakulong na sa selda ang dalawang suspek at desidido ang mga magulang ng biktima na sampahan ng kaso ang mga ito. (MRDS