Injured	Killed
1	0

Date: 25 May 2013
Source: Bombo Radyo

ROXAS CITY – Pilas sa ulo kag pagpalamanog sang liog ang naangkon sang 12-anyos nga dalagita matapos kug-on kag lampusan sang bato sa ulo sang 14-anyos nga solterito sa Barangay Mianay, Sigma, Capiz.

 

Indi sarang mapinsar sang biktima nga ginkilala kay Inday nga mahimuan ini sang malain ni Dondon nga kaingud balay lamang nila bangud wala naman sila sang gin-awayan.

 

Ginkakibot na lamang sini ang hinali nga pagpalapit sang suspek kasunod sang pagkuga sa iya liog.

 

Bangud sa nabatyagan nga sakit nagpanginpadlos ang biktima rason para ini sumbagon sa tiyan kag sang matumba ginguyod gamit ang buhok pasaka sa isa ka tago nga lugar.

 

Ginpahayag ni Inday nakita sini sa mata sang solterito ang tuman nga kaakig samtang ginasakit ini.

 

Wala pa nakuntento si Dondon nagkuha ini sang bato kag ginlampusan sa ulo ang biktima.

 

Sa pagpati nga patay na si Inday nakabatyag sang kahadluk ang solterito kag hinali ini nga nag-atras palayo.

 

Diri na nakakita sang tinion si Inday kag nagligid ligid ini tobtob nakapangayo sang bulig sa nakita nga balay.

 

Gilayon naman nga gindala sa ospital ang biktima para madapatan sang nagakaigo nga bulong ang naangkon nga kapilasan sa lawas.

 

Samtang padayun nga ginapangita sang pulisya ang suspek nga nagpalagyo matapos ang hitabo.