Injured	Killed
11	0

Date: 12 February 2013
Source: Bombo Radyo

TACLOBAN CITY – Iguinreklamo han mga kag-anak han 11 nga elementary pupils an siyam nga mga bading kahuman nga pagpamaladyaan han mga ini an ira mga anak ha bungto han Babatngon, Leyte.

Ha natabo nga pagaru-atubang han mga bakla, kag-anak ngan han Municipal Social Welfare and Development (MSWD) officers han Babatngon, nabisto an guinhimo han mga suspek ngan nahibaruan pa nga magturutdo an duha ha mga ini ha elementarya ngan high school.

Guinkilala an duha nga teachers nga hira Marcelino Cañete ngan Bobby Dondoyano.

Labot la ha duha nga magturutdo, usa nga bakla guihapon nga nagtatrabaho ha National Statistics Office (NSO) an kaupod ha mao nga insidente.

Kaupod guihapon ha mao nga panmolestiya an duha nga menor de edad nga mga bading ngan upat nga mga barkada han mga ini.

Sumala kan Babatngon MSWD officer, Marlie Ochea ira nahibaruan ha mga bata nga guinbayaran daw hira han mga bakla hin 60.00 pesos kabalyo han pan-ngaham ngan “pag-blow job” han ira ikanatawo.

Dugang pa ni Ochea nga nagreklamo daw an mga kag-anak tungod ha kahadlok nga manlugos an ira mga anak han mga kamulay hini.

Nabisto an mao nga panmolestiya kahuman nga makita nga nag-mamasturbate an mga bata ha sulod han classrooms samtang nagpapadayon pa an ira klase.

Samtang, nakatalaan naman nga igpa-ilarom ha counseling han MSWD an 11 nga mga kabataan.

Ha pagkayana in pursigido na nga magpasaka hin kaso an mga kag-anak han mga menor de edad, agud matagan hin leksyon an mga suspek.