Umabot sa 11 bus ang nasunog matapos pasukin ng may 10 hanggang 15 armadong lalaki ang motorpool ng HM Transport sa Pagsanjan, Laguna Lunes ng madaling araw.

Ayon kay Laguna Police Provincial Director Sr. Supt. Pascual Munoz Jr., nagpakilalang pulis ang mga suspek na nakasuot pa ng camouflage uniform pero mga naka-short pants.

Ayon kay Pascual, sinabi ng mga suspek na may drug raid sila sa motorpool at nang makapasok ay binuhusan ng gasolina at sinilaban ang mga bus saka mabilis na tumakas.

10 sa mga bus ang grabeng pinsala.

Hinala ni Pascual, mga rebelde ang nanunog at harassment ang motibo ng mga ito. Report from Noel Alamar, Radyo Patrol 38