Injured	Killed
1	0

Date: 01 June 2013
Source: Bombo Radyo

NAGA CITY-Napuli sa kariribokan an dapat na kuta nang maogmang birthday party sa General Luna, Quezon Province. Ini matapos sapakon asin suntukon kan burat na si Leonardo Merle an 11-anyos na aking lalaki.

 

Sa intribista kan Bombo Radyo Naga ki PS/Insp. Joselito Araja, hepe kan PNP-Gen. Luna, napag-araman na mantang nagkakaorogmahan nagkaigwa nin dikit na pagsimbagan an biktima asin an saro pang aki na aki kan suspetsado.

 

Kan mahiling ni Merle an pag-iiwal kan duwa, tulos suboot ining sinampal asin sinuntok an aki.

 

Pakatapos kaini tulos na duminulag an suspetsado mantang naghagad man nin tabang sa DSWD an pamilya kan biktima tanganing ipahiling ini sa doktor.

 

Sa ngunyan nahahampang na sa kasong pagbalgar sa RA 7610 an suspetsado.