Injured	Killed
0	0

Date: 31 July 2013
Source: Bombo Radyo

NAGA CITY – Padagos pa ngunyan na iniimbestigaran kan mga otoridad an nangyaring panlalaog sa sarong tindahan na pagsasadiri kan sarong negosyante sa Barangay Ilayang Iyam sa Tayabas City.

 

Sa ipinaabot na impormasyon kan Quezon Police Provincial Office sa Bombo Radyo Naga, napag-araman na nag-abot an duwang dai nabistadong suspetsado sa nasambitan nang tindahan kan biktima poko mas omenos alas-12:45 nin mag-uumagahon.

 

Dara suboot kan mga suspetsado an sarong badil na itinutok sa biktima mantang hinahagadan nin kwarta.

 

Dai naman nakapalag an biktima na itinao an kwarta sa mga ini.

 

Nalalay kan mga suspetsado an kwartang nagkakantidad P3,420; 1 kaha nin Marlboro asin Morris na sigarilyo asin 3 pang kaha nin fortune cigarettes.

 

Pagkatapos makuh an gusto, tulos suboot na duminulag an mga ini asin nagpasiring sa dai pa maaraman na at nagtungo sa hindi pa malaman na direksyon.

 

Sa ngunyan padagos pa man an ginigibong imbestigasyon kan Tayabas PNP para sa pagkakabisto asi pagkakadakop sa mga suspetsado