Injured	Killed
6	1

Date: 31 July 2013
Source: Bombo Radyo

TACLOBAN CITY- Nagresulta ha pagkamatay hin usa nga sundalo samtang 6 naman an samaran han natabo ngaengkwentro kanina ha butnga han 28th Infantry Battallion ngan mga New Peoples Army ha Victoria, Northern Samar.

 

Ini an guinsiring ni Capt. Amado Gutierez, tagapagayakan han 8th Infantry Division han makahimangaraw han Bombo Radyo Tacloban.

 

Sumala kan Capt. Gutierez, nagpabuto anay hin landmine an rebelde nga grupo ngan sinundan na hin balyuay hin buto nga humagos hin haros 30 minutos.

 

Kasumpay hini, nagdumiri naman maghatag hin ngaran han mga biktima an mao naga opisyal tungod waray pa daw nira maipasabot aha mga pamilya han biktaaima an natabo nga incidente.

 

Samtang, dire naman masiring ni Gutierez kun may patay guihapon ha panig han NPA, pero tungod han maga lamat hin dugo naga nakit-an nira ha lugar in posible daw may nasamaran.

 

Manunumduman nga han naglabay la nga semana, usa guihapon nga engkwentro ha butnga han 87th Infantry Battalion ha ilarom ni command of Lieutenant Colonel Cerilo Balaoro ngan 10 New People’s Army ha ilarom han Section Committee, Southern Samar 1, Samar Provincial Party Committee ha Barangay Bugho, Pinabacdao, Samar nga nagresulta ha pagkakarekober hin mga highpowered firearms.

 

Ha lain nga bahin, dismayado naman an mga kasundaluhan tungod ha padayon nga pagtalapas han mga NPA ha Comprehensive Agreement for Respect of human rights and Intrnational Humanitarian Law (CARHIL) kun diin iguindidiri an paggamit hin landmine