Injured	Killed
1	0

Date: 24 January 2013
Source: http://bomboradyo.com/news/regional-news/cebuano-news/149942-1-samdan-bay-sa-deped-supervisor-gilabay-og-granada-sa-maguindanao

COTABATO CITY – Usa ang naangol human gilabay og granada ang bay sa usa ka opisyal sa Department of Education (DepEd) alas-8:40 sa gabii niadtong Miyerkules didto sa probinsiya sa Maguindanao.

Giila ang biktima nga mao si Rayhan Guimba, 28, nga katabang ni Denia Daniel, District Supervisor sa DepEd, Datu Montawal.

Nasayran gikan kang Maguindanao PNP Provincial Director S/Supt. Rodelio Jocson nga giitsahan og granada ang bay ni Daniel sa Barangay Galakit,Pagalungan.

Didto mitugba ang MK-2 Fragmentation grenade duol sa kusina sa pinuy-anan ni Daniel, hinungdan nga naigo ang biktima sa iyang siko sa mga tipaka sa explosibo.

Abtik sab nga misibat ang duha ka wala mailhing tawo nga sakay sa usa ka motorsiklo paingon sa wala matino nga dapit sa diha nga milanog ang makusog nga buto.

Abtik nga nagresponde ang grupo nila 1/Lt. Valdez sa Alpha Company sa 7th Infantry Battalion Philippine Army ug Pagalungan PNP,diin ila dayon nga gidala ang samaron sa Cruzado Hospital sa Pikit, North Cotabato, diin luwas na siya sa makuyaw nga kahimtang.

Hangtud karon dili pa matino sa Pagalungan PNP ang motibo sa pagpanglabay og granada sa bay ni Daniel og padayon pa silang nag-imbestiga. (Bombo Garry Fuerzas)