Binisto an mga nagadan na suldados na sinda Corporal Sandy C. Senadan, an team leader gikan sa Charlie Company kan 2nd Infantry Battalion Philippine Army, asin mga kaiba kaining sinda Pfc. Jaypee Cortez asin Private fc. Roderick Barrameda.

 

Mantang lugadan man an binistong si Pfc. Ruel Soltes gikan sa 9-man team na prisenteng nagsasagibo nin pagpapatrolya sa nasabing lugar.

 

Sa intrivista kan Bombo Radyo Legazpi kay Col. Andrew Castelo an commander kan IB, sinabi kaini na apwera sa sinapar na tama nin bala gikan sa haros sarung oras na bakbakan gikan sa dai pa maditerminang bilang nin mga NPA, saru man sa mga suldados an nadapaan an sarung landmine na itinanom kan mga NPA na tulos man na suminabog.

 

Apwera kaini, nakua man sa tropa kan nakua man sa tropa kan gobyerno an nagkapirang mga armas.

 

Sa ngonyan an padagos pa an piggigibong hot operation kan mga otoridad sa posible pang napabale sa mga nagadan o nalugadan.

 

Marurumduman an an parte kan pinangyarihan kan enkwentro an harani sana man sa piggigibong international Airport sa provincia an enot naman na sinalakay kan mga armadong lalaki kan nakalihis na mga bulan.

 

Mientras tanto, tulos man na inako kan Santos Binamira Command an nangyaring pang-aatake kun saen, mayo man na napabaretang nalugadan sa saindang lado.