Injured	Killed
0	0

Date: 31 March 2013
Source: Bombo Radyo

Davao City- Positibo nga giila sa biktima sa pagpanghold-up ug lugos nga si alyas Grace ang suspek nga mikuha sumala pa sa iyang cellphone nga si Wenceslao Entrata Aresta, 32-anyos nga taga Lubugan Toril ning dakbayan sa Davao.

Sumala pa ni Police Superintendent Julius Silagan, hepe sa Talomo PNP nga gihikay na nila ang kaso batok sa dinakpan diin gawas sa pag-identify sa biktima nakuha pa sab sa posisyon ni Aresta ang cellphone ni alyas Grace.

Samtang gipanghimakak sab ni Wenceslao Entrata Aresta ang alegasyon batok kaniya gumikan sa matud pa gipugos siya ug pagpaangkon sa maong pagpanghold-up.

Dugang pa ni Aresta nga anaa kaniya ang cellphone sa biktima gumikan sa gipaayo kini ug sumala pa nga ipabaligya kaniya ni alyas Grace ang maong cellphone.

Sumala pa sa biktimang si Grace, nahitabo ang nahisgutang insidente sa Bago Gallera, Baliok niadtong Marso 18 mga alas dose sa tungang gabii diin gikan ang biktima graduation party sa iyang higala.

Mipakyaw sumala pa ang biktima ug single nga motorsiklo gikan sa Toril padulong sa panimalay niini sa Mintal ning dakbayan.

Apan pag-abot sa may kasagbutan nga bahin kalit nga gihunong ni Aresta ang motor ug mideklara ug hold-up. Gikuha sa suspek ang cellphone sa biktima ug miabot ang lain pa nga motor nga gimaneho sumala pa ni Laguna.

Miasoy ang si Aresta nga si Laguna na ang bahala sa dalaga ug dali kini nga mipadagan sa motor padulong sa wala matino nga direksyon.

Samtang nahabilin si Laguna ug ang biktima sa maong dapit ug gipapahubo kini ug sapot.

Gisumbag sa tiyan ug gibaharan ang biktima hinungdan nga nagmalampuson sumala pa ang suspek sa dautang tinguha niini.

Samtang padayon lamang gihapon karon Talomo PNP sa pagpangita ug pagsikop sa usa pa ka suspek nga si Chrisler Delfin Laguna nga matud pa milugos sa biktima.