Injured	Killed
1	0

Date: 12 March 2013
Source: Bombo Radyo

ILOILO CITY – Isa ang pilason sa natabu nga lagsanay sang mga miembro sang Bantay Dagat sang PNP kag mga illegal fishers sa baybayon sang Banate, Iloilo. Sa interview sang Bombo Radyo Iloilo kay SPO1 Gilbert Piedad sang Iloilo Provincial Bantay Dagat, samtang nagapatrolya sa baybayon, nasiplatan nila ang sakayan sang mga illegal fisher. Ila nga ginpalapitan ang sakayan apang ginhabuyan sila sang lubid rason nga naaberya ang elisi sang ila bangka kag diutayan malunod. Suno diri, gintuyo pa sang mga illegal fisher nga bungguan ang ila sakayan matapos ginguyod ini sa bahin na sang baybayon sang Negros Occidental apang nagpalupok ang mga pulis kag naigu ang isa sa mga iligal fisher. Ginpasiguro naman sang pulis ang pagpasaka sang kaso batok sa mga illegal fisher.