Injured	Killed
0	1

Date: 31 August 2013
Source: Bombo Radyo

ILOILO CITY- Isa ang patay sa natabu nga tiruhay sa raid sa tumbuan sa Zone 4, North Baluarte, Molo, Iloilo City kaina sang kaagahon.

 

Ang biktima ginkilala kay Gregorio Mag-usara, 37-anyos, residente sa nasambit nga lugar kag nagatrabaho sa Iloilo Fishing Port.

 

Sa interview sang Bombo Radyo kay Police S/Insp. Marlon Valencia, hepe sang Molo Police Station, nagpatigayon sang surviellance operation ang special operations group sang Regional Intelligence Division sang Police Regional Office 6 (PRO6) apang namutikan sang mga nagasugal ang presensya sang pulis rason nga ila ginpulihan ang team leader nga si PO3 Rodney Calungsod nga amu ang una nga nagsulod sa sugalan kag magatimbre kuntani sa iya mga kaupdanan nga nagahulat agud nga umpisahan ang raid.

 

Sa imbestigasyon, natumba ang pulis kag ang biktima kag naigu ang biktima sang maglupok ang pusil sang pulis.

 

Ang biktima nag-angkon sang duha ka pilas, isa diri sa dughan nga gintunaan sang iya kamatayon.

 

Duha naman ka iban pa ang naaresto sang mga pulis sa pagpatigayon sang iligal nga pasugal samtang kalabanan naman ang nakapalagyo.