Injured	Killed
0	1

Date: 26 March 2013
Source: Bombo Radyo

KORONADAL CITY – Liwat nga nagpangatake kag nagpatay sang tawo ang mga bandidu nga grupo sa Sitio Blasong, Barangay Muloy, Surallah, South Cotabato.

Sa interbyu sang Bombo Radyo Koronadal kay Sitio Blasong lider Weniefredo Faderable, ginkilala ang biktima nga si Bonifacio Hukuman, may legal nga edad kag residente sang Purok Buyos, Sitio Sibuyon, Barangay Colongulo, Surallah, South Cotabato.

Suno kay Faderable, ginpahibalo sa iya sang tiyo sang biktima ang hitabu kagab-i.

Ginpatay sang mga bandidu si Hukuman sa sulod mismo sang puluy-an sini paagi sa pagbuno kag pagluthang sa biktima.

Dako ang pagpati ni Faderable nga kasubong sang mag-asawa nga Liw nga una nga ginpatay sang mga bandidu, nahibaluan sang biktima ang ginapanaguan sang mga bandidu kag ini man ang nagreport sa mga otoridad sa ginhimo sang mga ini nga pagpangawat sa ila nga lugar.

Ginatudlo nga mga lider sang bandidu nga grupo sanday Doming Gal kag Dutis Bantawan nga may masobra 20 ka mga myembro.