Injured	Killed
0	1

Date: 31 January 2013
Source: Bombo Radyo

KORONADAL CITY – Isa ang patay sa nagluntad nga engkwentro sa tunga sang mga armado nga grupo kag militar sa Davao del Sur.

Sa interbyu sang Bombo Radyo Koronadal kay Capt. William Alfredo Rodriguez, spokesman sang 102nd Brigade sang Philippine Army, ginpahayag sini nga 6 ka mga armado nga kalalakihan nga ginapamunuan sang wanted nga si Daguil Capion ang naengkwentro sang mga militar sa nabukid nga bahin sang Kiblawan, Davao del Sur kahapon sang aga.

Suno kay Rodriguez, naglab-ot sa halos minuto ang engkwentro sang duha ka bahin nga gintunaan sang pagkasamad sang isa sa mga armado nga lalaki nga ginkilala kay Kitari Capion, nga utod ni Daguil.

Ginpahayag ni Rodriguez nga ginbilin sang mga armado nga kalalakihan ang ila nga kaupod nga nasamaran rason nga ang mga suldado na ang nagdala sa Allah Valley Hospital diri sa siyudad sang Koronadal apang wala na ini masalbar pa sang mga doktor kag tigayon na nga ginbawian sang kabuhi kahapon sang hapon.

Sa karon, temporaryo anay nga gin-untat ang hot pursuit operation sang militar sa grupo ni Daguil Capion.

Madumduman nga si Daguil ang madugay na nga ginapangita sang mga otoridad kag sang nagligad nga tuig lamang ginmasaker ang pamilya sini.