Injured	Killed
0	1

Date: 03 April 2013
Source: Bombo Radyo

TACLOBAN CITY – Usa an patay ha natabo nga engkwentro ha butnga han mga New People’s Army (NPA) ngan han mga kasundalohan han 87th Infantry Batallion (IB) ha Brgy. Sto. Niño, Paranas, Samar.

Subay ha nahikay nga impormasyon han Bombo Radyo Tacloban, nagkaada hin extortion activities ha mao nga barangay an mga NPA kon diin naisakto nga may-ada guihapon guinhihimo nga aktibidad an mga kasundalohan ha mao nga lugar ugsa pa man mahitabo an engkwentro.

Nag-iha daw hin haros 20 ka-minuto an balyuay hin buto ha butnga han duha nga grupo nga nagin resulta ha pagkamatay han usa nga rebelde.

Samtang, kahuman an engkwentro in narekober naman han mga sundalo tikang ha mga NPA an usa nga cal. 38 revolver ngan mga dokumento.

Nakubkob guihapon han mga militar an abandonado nga kampo han NPA hirani ha nahitabuan han insidente kon diin mag-iisakto dinhi an haros 30 nga mga rebelde.