Injured	Killed
5	1

Date: 31 March 2013
Source: Bombo Radyo

CAGAYAN DE ORO CITY – Bangi sa yuta ug pagdumot ang pipila sa gitan-aw nga anggulo sa straffing incident sa Poblacion, Libertad, Misamis Oriental kagabii.

Patay sa maong straffing ang usa ka Soproni Bombeo,50-anyos ug residente sa Barangay Taytayan sa maong lungsod.

Nahiagom sa 12 ka igo gamit ang 9mm pistol gikan sa wala mailang suspek ang biktima hinungdan sa hinanali niining kamatayon.

Nahitabo ang krimen samtang nagpahigayon sa last supper ang biktima sulod sa training center isip pagtamod sa Huwebes Santos kagahapong adlawa.

Samaron usab ang mga kauban sa biktima nga si Lusita Sebelius, Leman Mark Juliada, Christine Mae Poblete, Santos Acain at Felixberto Villarin.

Hinoon, anaa na sa luwas nga kahimtang ang mga kauban ni Bombeo diin pipila ka kanila ang outpatient na.

Samtang gibutyag usab ni S/Insp. Marlon Lanioso, hepe sa Libertad Police Station nga nagpadayon sila sa ilang pagpangita sa suspek nga gitoohang gun-for-hire.

Hisayrang sa miaging tuig 2009, may gitigbas si Bombeo nga iyang paryente diin posibleng gipanimaslan siya ning panahona.