Isa ang patay habang tatlo ang sugatan sa pamamaril sa Commonwealth Avenue sakop ng Tandang Sora, Quezon City.

Pinagbabaril ng suspek na naka-motorsiklo ang lalaking biktima na nagtitinda ng kwek-kwek sa ilalim ng footbridge.

Kinilala ang biktima na si Ramil Atibago, 33-anyos.

Nakatakbo pa ang biktima papasok sa isang compound pero sinundan ito ng suspek at doon na napuruhan.

Sugatan naman ang tatlong tindera sa lugar. Nasa East Avenue Medical Center ang isa sa mga ito.

Sa panayam ng Radyo Patrol, sa maybahay ng biktima, blangko ito sa kung sino ang nasa likod ng pamamaril.

Patuloy naman ang imbestigasyon sa insidente. Report from Dennis Datu, Radyo Patrol 42

http://dzmm.abs-cbnnews.com/news/Metro/1_patay,_3_sugatan_sa_pamamaril_sa_QC_.html