Injured	Killed
3	1

Date: 27 February 2013
Source: Bombo Radyo

CAGAYAN DE ORO CITY – Gikompirmar karon sa New People’s Army kon NPA nga sila ang mi-atake sa main office ug plantasyon sa Del Monte Philippines sa Camp Philips, Bukidnon kagabii.

Sa usa ka paghinabi, gibutyag ni Jorge Madlos alyas ka Oris nga nagsilbing tigpamaba sa North Central Mindanao sa NPA nga gihimo nila ang pag-atake kay gusto nilang hatagan ug leksyon gumikan sa padayong pagpalapad sa DMPI operations diin gipangdaot niini ang kinaiyahan.

Nangayo na usab kini sa pagsabot sa mga residente sa Bukidnon epekto sa tensyon nga nagresulta sa kamatayon sa security guard sa DMPI nga si Alfredo Neri nga ubos sa Cadre Security Agency ug laing tulo pa ang samaron.

Nakuha usab nila ang daghang kalibre sa armas gikan sa DMPI ug gipangsunod ang lima ngadto unom ka ekipo ayha misibat sa maong lugar.

Samtang gisaysay sa Bombo Radyo Cagayan de Oro ni PNP regional director C/Supt. Catalino Rodriguez Jr. nga kontrolado na nila ang kinabuk-ang sitwasyon.

Nag-usa puwersa na ang pulis ug militar sa paglusad sa pursuit operation batok sa mga misibat nga mga rebelde.

Nagdumili una pagkomento si Rodriguez kon magpangilkil ba ang motibo sa gihimong pagpanulong sa NPA.

Hisayrang gibana-banang moabot sa 100 ngadto 150 ka NPA fighters ang misulong sa maong lungsod nga nagresulta pa sa sobrang kalisang sa mga residente sa tibuok probinsya ug sikbit sa Amihang Mindanao.

– See more at: http://bomboradyo.com/news/regional-news/cebuano-news/154087-update-1-patay-3-sugatan-sa-pagsulong-sa-npa-sa-bukidnon#sthash.138UCX0e.dpuf