Injured	Killed
3	1

Date: 22 May 2013
Source: Bombo Radyo

ROXAS CITY – Isa ang patay tatlo ang pilason sa naglunatd nga rumble sang mga kalalakinhan sa Barangay San Silvestre, banwa sang Pilar, Capiz.

 

Ginbawian sang kabuhi samtang ginabulong sa ospital ang 15-anyos nga si Bong-Bong Baclas nga nagguwa ang kasudlan matapos mabun-an ni Jomar Villaroel 20-anyos sang Barangay Manoling, President Roxas, Capiz nga gindala man sa ospital para mabulong ang mga pilas matapos kastiguhon sang grupo ni Baclas.

 

Ginabulong man sa ospital sa syudad sang Roxas ang duha ka mga kaupdanan ni Baclas nga sanday Raymond Aguirre kag Jiboy Bebit lunsay nag-angkon sang mga pilas sa nagkalain lain nga bahin sang lawas.

 

Ginpahayag ni Senior Inspector Errol Guatche, hepe sang Pilar PNP nga ba-se sa pahayag sang mga testigo kag barangay tanod nga nakasaksi sa insedente napagtripan lamang sang mga biktima ang suspek nga gikan sa Manila kag nagbisita lamang sa lugar para magpamyesta sa balay sang iya mga himata.

 

Bangud bag-o nga nawong sa lugar ginpalapitan sang mga biktima ang suspek nga gilayon naglakat para makalikaw sa gamu matapos makita ang malain nga tulok sa iya sang grupo.

 

Apang ginsundan ini sang grupo kag agud madepensahan ang kaugalingon ginpaguwa sini ang kutsilyo tobtob mabun-an ang mga biktima.

 

Kaso nga homicide kag serious physical injuries naman ang pagaatubanongon nga kaso sang suspek.