Injured	Killed
3	1

Date: 13 April 2013
Source: Bombo Radyo

LOILO CITY – Isa ang patay kag tatlo ang pilason sa natabu nga bun-anay sa isa ka kasal.

Ang insidente natabu sa Brgy. Cabilawan, Barotac Nuevo, Iloilo kaina sang kaagahon.

Sa interview sang Bombo Radyo kay Police S/Insp. Ariel Corcino, hepe sang Barotac Nuevo Municipal Police Station, ala 1:00 kaina sang kaagahon sang hinali lang nga ginbuno sang biktima nga si Alvin Peñafiel, 35 anyos, residente sang nasambit nga lugar ang tatlo nga sanday Eleoterio kag Roland Vallera kag Arnie Dela Peña.

Sunu sa pulis, nagahanda ang tatlo sang mga lulutuon para sa kasal sang magkahagugma nga Vicente Vallera kag Catherine Villa sang ginbuno sang biktima tubtub naagaw ang kutsilyo sini kag ginbalusan ini buno sa dughan nga ginkamatay sini.

Sa imbestigasyon sang pulis, wala man sang dumtanay sa tunga sang napatay kag tatlo ka pilason bangud kagab-i lang ang mga ini nagkilalahay.

Ang napatay, himata sang kalaslon nga babaye samtang ang tatlo naman, himata sang lalaki.