Injured	Killed
2	1

Date: 31 August 2013
Source: Bombo Radyo

ILOILO CITY – Isa ang patay kag duha ang pilason sa pagpamuno sa Sitio Banay-Banay, Brgy. San Pedro, San Jose, Antique.

 

Patay sa insidente si Ronaldo Baldibia, 28-anyos nga dead on arrival sa Angel Salazar Memorial General Hospital samtang pilason naman ang pakaisa sini si Ian Brian Moscoso, 28, nga may pilas sa ilok.

 

Suno sa iloy ni Moscoso, pauli na ang magpakaisa sang ginbanggaan sa madulom nga eskinita kag ginbuno.

 

Gilayon man nga nadakpan ang suspetsado nga si Henry Zamora, 37, sang Bugasong, Antique nga nagtuyo pa nga magpalagyo.

 

Ini ang may pilas sa pulso nga suno sa iya ginlabo sang mga biktima apang nagaduda ang mga otoridad nga ini mismo ang nagpilas sa kaugalingon.

 

Pagtimalos ang ginalantaw nga motibo sa krimen bangod ang suspetsado una na nga ginpulihan sang mga biktima.