Injured	Killed
2	1

Date: 05 February 2013
Source: Bombo Radyo

BACOLOD CITY – Gindeklarar nga dead on arrival sa isa ka pribado nga bululngan sa ciudad sang Bacolod ang isa ka negosyante nga ginluthang-patay sa Purok Water Lily, Barangay Binubuhan, ciudad sang Bago kagab-i.

Sa inisyal nga pagpangusisa sang Bago City Police station, ginpahayag nga nagapahunay-hunay ang biktima nga ginkilala kay Manolo Tarrosa, 46-anyos sang hinali nga ginsulod sang apat ka wala makilal-an nga kalalakinhan kag ginluthang.

Ginpahayag man sang asawa ni Tarrosa nga si Morena, nagpakilala nga mga katapo sang New People’s Army ang armado nga mga kalalakinhan sa diin duha sa mga ini ang nagsulod sa balay kag nagpang-abukay sang ila kagamitan kag nagdemanda nga ihatag ang tanan nila nga kwarta bangud kun indi, pagaluthangon ang bata sang biktima.

Pilason naman ang magulang sini nga si Hermoso kag bata sini nga si Ronnel nga lunsay nag-agom sang igu sang bala sa magtimbang nga tiil matapos nagresponder sa insidente.

Kabug-usan nga 200 mil pesos ang natigayon nga makuha gikan sa biktima.

Gilayon naman nakapalagyo ang mga suspetsado padulong sa dulunan sang ciudad sang Bago kag ciudad sang La Carlota.