CEBU CITY – Isa ang patay habang dalawa ang kritikal sa nangyaring pamamaril sa iba’t ibang bahagi ng Cebu province.

 

Ang unang insidente ay nangyari sa Carcar City kung saan kritikal ang kondisyon ng biktima na si Gabrillo Buenabuentura, 31, matapos na binaril ng suspek na si Darius Saducas.

 

Sinubukang saksakin ng biktima ang suspek dahil sa selos ngunit naunahan ito ni Saducas.

 

Nakakulong na ang suspek at nakatakdang sampahan ng kaso.

 

Habang ang ikalawang pamamaril ay nangyari sa bayan ng Oslob kung saan patuloy na ginagamot ang biktima na si Pelayo Hudar matapos na binaril ng kanyang kapitbahay.

 

Hinamon umano ng biktima ang suspek na naresulta sa insidente.

 

Agad ding nahuli ng mga otoridad ang suspek.

 

Dead on the spot naman si Glenn Ginansalao na mula sa Mandaue City nang binaril ng hindi nakilalang lalaki habang ito ay naniningil sa naturang lungsod.

 

Anggulong drug related ang tinutukan ng pulisya sa nasabing krimen.