Namatay sa maong pagpamusil ang biktimang si Julius Galon, kinsa usa ka barbero diha sa Cogon area ug lumad nga taga Villanueva, Misamis Oriental. 

 

Matud ni Police Senior Insp. Evan Vinas, hepe sa Agora Police Station nga igo lamang nga migawas sa iyang gipuy-an ang biktima sa dihang gipusil kini sa duha ka suspek nga sakay sa motorsiklo ginamit ang 45 kalibreng armas. 

 

Nakaangkon ang biktima ug pinusilan sa iyang ulo nga nagresulta sa hinanaling kamatayon niini. 

 

Naangol usab ang biktimang si Miggy Vizon ingon man ang iyang wala gipailang kauban human usab sila pamusila sa mga suspek tungod sa ilang pagsulay ug tabang sa namatay. 

 

Hinoon, luwas na sa kuyaw nga kahimtang ang mga naangol diha sa Northern Mindanao Medical Center. 

 

Miingon si Insp. Vinas nga ila pa karong gipaubos sa background check ang biktimang namatay aron masuta kon unsay motibo sa maong pagpamusil. 

 

Apan may mga pagtoong pagpayohot sa ginadiling druga ang motibo sa pagpatay sa biktima.