Kini human nasulod sa kapolisan ang ”hide out” sa Lundahan armed group sa Brgy Balingcad sa nahisgutang lalawigan.

 

Sa paghinabi sa Bombo Radyo Cagayan de Oro, gisaysay ni S/Insp. Christian Relevo, hepe sa Baungon Police Station nga sa ilang paglusob 

 

napatay nila ang usa sa tulo mangtas nga lider sa grupo nga si Jade Lundahan human nakig-engkuwentro kanila hinungdang naigo kini sa ulo ug tiyan.

 

Matud ni Relevo nga nadakpan usab nila ang upat sa mga kauban ni Lundahan samtang gilakipan sa pito ang mitahan sa gobierno.

 

Sa pagkakaron, duha ka miembro na lamang a grupo nga gilakipan ni Densio ug Emong Lundahan ang ilang gipangita.

 

Padayon usab nilang gisuta ang report nga naghikog-patay na si Densio tungod kay wala na’y nabilin sa ilang mga sakop.

 

Ang grupong Lundahan ang nag-atubang sa patung-patong nga kasong kriminal tungod sa 26 ka tawo nga gipatay sa maong lungsod. 

 

Kabahin sa mga bitbit nga armas sa grupo ang M-16 rifle, ilang high powered fire arms,7 granada,carbine,garand ug improvised guns.

 

Dumduman nga kabahin sa mitahan sa kapolisan ning semanaha mao ang mga pag-umangkon sa Lundahan nga si Samuel Saguyon Balcorsa ug Jemuel Abanis nga pulos residente sa Brgy. Mabuhay sa nahisgutang probinsiya.