Injured	Killed
1	1

Date: 19 November 2013
Source: Journal Online

AMADEO, Cavite — Namatay ang isang magsasaka at sugatan naman ang isang binata na magsasaka rin nang tamaan ng ligaw na bala sa insidente ng pamamaril dito noong Sabado ng gabi.

Kinilala ang nasawi na si Francisco Hagos Fortades, 43, may ka-live-in, ng Purok 3, Bgy. Pangil, Amadeo, na nagtamo ng dalawang tama ng bala sa ulo, samantalang si Sharon Rosales Hino-o, 33, binata, ng nabanggit ring lugar, ay tinamaan ng ligaw na bala sa kaliwang kamay.

Nabatid pa na alas-8:30 ng gabi nang barilin ng suspek si Fortades at tinamaan ng ligaw na bala si Hino-o habang nakatayo sa ’di kalayuan.

Tumakas ang suspek dala ang hinihinalang revolver na ginamit sa pamamaril sa biktima.