Injured	Killed
1	1

Date: 03 April 2013
Source: Bombo Radyo

BACOLOD CITY – Isa ang patay kag isa ang pilason matapos ginpang-buno ang mag-utod sa Bago City, Negros Occidental sang suspetsado nga ginpasibangdan nga kawatan.

Kadungan sang pagdumdom sang kamatayon ni Hesu-Kristo, ginbawian man kabuhi ang 16-anyos nga dalagita nga si Josie Bayo residente sang Brgy. Mailom, Bago City.

Samtang, pilas naman sa kilid kag likod ang gin-agom sang utod sini nga si Jun-Jun 13-anyos.

Sila ang gjnbuno sang suspetsado nga si Aaron Francisco, 25-anyos nga residente man sang nasambit nga lugar.

Nahibaluan nga ginsulong sang suspetsado ang balay sang mga biktima sa diin iya nasugata si Jun-jun kag ginbuno apang nakadalagan.

Samtang, nagakatulog naman si Josie sa sulod sang balay sang iya gindusak kag sang nagtuyo nga magpalagyo iya ginlagas kag ginbuno liwat rason nga ginbawian gilayon ang kamatayon.

Matapos nadakpan ginpahayag sang suspetsado nga iya nahimo ang krimen bangod sa kaakig sa ginikanan sang mga biktima nga ini ang nagpangawat kag malain sang ginhawa.