Injured	Killed
0	1

Date: 07 February 2013
Source: Bombo Radyo

TACLOBAN CITY – Guinpusil patay an usa nga parag-uma han waray makilal-e nga mga suspetsado ha Purok 6, Brgy. Migara, Calbayog City.

Subay ha nahikay nga impormasyon han Bombo Radyo Tacloban, guinkilala an biktima kan Jeffrey Casaljay, 37 anyos, usa nga parag-uma ngan residente han mao nga lugar.

Nabaruan naman nga guinpusil an mao nga biktima samtang nag-aasikaso han iya lugit hirani la ha ira panimalay gamit an M16 riffle 5.56 ngan guinpanbubuno guihapon ini han waray makila-e nga mga suspetsado.

Nasabtan guihapon nga an mao nga biktima in bugto hin usa nga pulis ngan biktima guihapon hin panmatay an Tatay hini.

Hi Casaljay in ika-upat na nga biktima ha mga natabo nga panmatay ha Samar tikang han magtikang an election period dida han nakalabay nga Enero 13.