Injured	Killed
1	1

Date: 19 April 2013
Source: Bombo Radyo

LA UNION – Inaresto dagiti kameng ti Agoo Police Station dagiti dua a suspek iti napasamak a pammaltog agarop alas 10:00 idi rabbii idiay Barangay Macalva Norte, Agoo, La Union.

Nabigbig dagitoy nga isuda Manolihio Nueva alyas “Samuel”, 60, addaan ti asawa ken Elpidio Alba, 46, addaan asawa, ken agpada a residente ti nasao a lugar.

Iti eksklusibo nga interview ti Bombo Radyo La Union kenni Chief/Inspector Artemio Infante, hepe ti Agoo Police Station, kinuna na a dead-on-arrival iti ospital ni Jenyvieve Alminso, 30, balasang bayat a kritikal ti kondisyon ni Wilson Mangaoang, 18, baro, ken residente met laeng ti nadakamat a barangay.

Ni Mangaoang ket agtultuloy a matam-taming ita iti Ilocos Training and Reg’l. Medical Center (ITRMC) ditoy syudad ti San Fernando.

Maibasar iti report, nagturong ti suspek iti balay dagiti biktima kadwa na ni Alba kasaruno ti panangpaltog na kadagitoy.

Dagus met a naaresto iti dua a suspek iti insayangkat a manhunt operation dagiti otoridad kagiddan iti pannaka-kumpiskar ti maysa a homemade 12 gauge shotgun, maysa a fired cartridge, empty magazine ken buneng.

Kaso a murder iti maisag-sagana a maipila kontra kadagiti dua.
Agpar-parang iti inisyal nga imbestigasyon, a susik iti daga ti motibo iti nasao nga insidente.