Injured	Killed
0	1

Date: 31 August 2013
Source: Bombo Radyo

KORONADAL CITY-Napamatud-an nga magluwas sa igo sang sharpnel sa isa sa mga biktima sa Cotabato Bombing, may igo man ini sang pusil apang wala naman ginhingadlan kun sin-o sa walo ka mga biktima ang nagogo.

 

Ini ang ginpaguwa sang Scene of the Crime Operatives (SOCO) sang Philippine National Police (PNP) sa resulta sang ginpatigayon nga forensic examination sa mga biktima sa nagluntad nga pagpamomba sa Cotabato City sadtong Agosto 5, 2013.

 

Madumduman nga kalakip sa mga nagkalamatay ang duha ka guwardiya ni Cotabato City Vice mayor Cynthia Guiani-Sayadi nga ginkilala nga sanday Yusoph Jaji kag Samsudin Ahari kun sa diin nagapati si Sayadi nga siya ang target sang pagpamomba bangud sa isyu sa pulitika.

 

Samtang,nagapati naman si Moro Islamic Liberation Front (MILF) spokesman Von Al Haq nga pagpanabotahe ang motibo sang nasambit nga pagpamomba.